முதல் முறையாக அமேசான் இணையதளம் மூலம் ஜியோ போன் விற்பனைக்கு வந்துள்ளது.ரிலையன்ஸ் ஜியோ நிறுவனத்தின் ஜியோ போன் பேசிக் போன் தோற்றத்தில் ஸ்மார்ட்போன் வசதிகளை அளிக்கும் மொபைலாக கருதப்படுகிறது. இதன் முதல் கட்ட முன்பதிவு அடிப்படையிலான விற்பனை கடந்த ஆண்டு தீபாவளியை ஒட்டி முடிவுற்றது. ரூ.1500 வைப்புத் தொகைக்குக் கிடைக்கும் இந்த மொபைலுக்கு பெரும் வரவேற்பு கிடைத்துள்ளது.
இதனால் இரண்டாம் கட்டமாக இப்போது முன்பதிவு இல்லாமலே நேரடியாக ஜியோ போன் விற்பனையை அந்நிறுவனம் தொடங்கியுள்ளது. ஜியோ மொபைல் ஆப் மூலம் பணம் செலுத்திவிட்டு அருகிலிருக்கும் ஜியோ ஸ்டோர் அல்லது ரிலையன்ஸ் டிஜிட்டல் ஸ்டோரில் மொபைலை வாங்கிக்கொள்ளலாம். நேரடியாக அந்த இடங்களுக்குச் சென்று பணம் செலுத்தியும் வாங்கலாம்.
இந்த இரு வழிகள் தவிர அமேசான் மூலமாகவும் ஜியோ போன் விற்பனைக்கு உள்ளது. இதற்கான விலையான ரூ.1500ஐ அமேசான் பே (Amazon Pay) மூலம் செலுத்தினால் ரூ.50 கேஷ்பேக் சலுகையும் கிடைக்கும்.
إرسال تعليق